გამგეობა

ბავშვის აღზრდა რომ მხოლოდ მის ფიზიკური ზრდას არ ნიშნავს, ცნობიერად შევეხე, როდესაც დედა გავხდი. ვალდორფის საბავშვო ბაღი იდეალური ადგილი აღმოჩნდა, როგორც შვილების აღზრდისთვის, ასევე ჩემი მომავალი პროფესიული, სოციალური და მშვინვიერი განვითარებისთვის. საწყის ეტაპზე მუშაობა დავიწყე ბუღალტრის პოზიციაზე, შემდეგ მრავალფუნქციური საქმეთა მმართველი და გამგეობის წევრი გავხდი. ეკონომისტის სპეციალობა უკეთ რომ მომერგო სამუშაო ადგილისთვის, გავიარე ანტროფოსოფიულ საფუძვლებზე დაფუძნებული ადამიანმცოდნეობის სრული კურსი,დავესწარი საერთაშორისო პედაგოგიურ კონფერენციებს შვეიცარიასა და გერმანიაში. პარალელურად ვალდორფის პედაგოგიკით დაინტერესებულ საინიციატივო ჯგუფთან ერთად სრულიად ახალი და კომპლექსური ვალდორფის პედაგოგიკით მომუშავე ორგანიზაცია დავაფუძნეთ. დღეს ვარ კამპუსის გამგეობის ერთ-ერთი წევრი და საქმეთა მმართველი. ჩემი მიზანია ვალდორფის პედაგოგიკის ფართო საზოგადოებისთვის გაცნობა და მომავალში საქართველოს განათლების სისტემაში, როგორც ერთ-ერთი ჯანსაღი, ალტერნატიული პედაგოგიკის დანერგვა.